Nasu (anatumìa)
Lu nasu o ncerti casi nasca è la parti spurgenti di la facci, situata tra la frunti e lu labbru supiriuri, ca havi â basi li naschi e ca pruteggi la parti antiriuri dî fossi nasali. Lu nasiddu è nu nasu nicu. Lu nasuni è nu nasu granni. La parola siciliana nasazzu è usata, 'n modu dispriggiativu, pi lu nasu.
La parola nasca si usa puru pi nnicari nu nasu scacciatu, piattu. Ntô sicilianu si usa puru comu nciuria, pi esempiu Peppi nasca.