Tashkent qalasındaǵı Turin politexnika universiteti
Tashkent qalasındaǵı Turin politexnika universiteti – Ózbekstannıń Joqarı oqıw jurtlarınan biri[1][2][3][4][5].
Tariyxı[redaktorlaw | derekti redaktorlaw]
Italiyanıń Turin qalasındaǵı Turin politexnika universiteti menen sheriklikte islengen bul universitet Tashkent qalası Almazar rayonında jaylasqan. Universitettiń tiykarǵı maqseti joqarı texnologiyaǵa tiykarlanǵan sanaattıń joqarı tarmaqlarına jetik kadrlar jetkiziwden ibarat esaplanadı. Ózbekstannıń bilimlendiriw tarawında joqarı mártebege iye bolǵan universitet Ózbekstan Respublikası prezidentiniń sheshimine muwapıq sanaattıń joqarı tarmaqların jáne de rawajlandırıw hám sol sheńberde sanaattıń rawajlanıp atırǵan tarmaqları ushın joqarı maman kadrlar jetkizip beriw haqqındaǵı nızamına muwapıq 2009 -jıl 28-aprelde shólkemlesken. Universitet penen Ózbekstan Respublikası Joqarı hám orta arnawlı bilimlendiriw Ministirligi General Motors kompaniyası keń kólemde sheriklikti jolǵa qoyǵan.
Tálim processleri[redaktorlaw | derekti redaktorlaw]
Universitette oqıw processleri Italiyanıń Turin universiteti hám xalıqaralıq standartlaǵa uyqas túrde alıp barıladı Italiyadan kelgen joqarı maman professorlar hám jergilikli professorlar studentlerge tálim beredi. Universitette sabaqlar tolıq inglis tilinde alıp barıladı. Sabaq processleri zamanagóy metodikalıq jónelislerge uyqas túrde alıp barıladı. Studentlerge ilim alıwları ushın hámme sharayatlar jaratılǵan. Internet penen támiyinlengen pútkil universitet boylab Wi-Fi tarmaǵı islep turadı. Ózbekstanda hám xalıqaralıq kólemde ámel etetuǵın diplom beriledi.
Fakultetler[redaktorlaw | derekti redaktorlaw]
Informaciya texnologiyaları hám islep shıǵarıwda BTA[redaktorlaw | derekti redaktorlaw]
Bul jóneliste studentlerge birinshi náwbette zamanagóy informaciya texnologiyaları hám olardıń qollanılıwı boyınsha tálim beriledi, taǵı programmalastırıw texnologiyası C, C++, HTML, SASS, CSS, JAvA, JavaScript, Bootstrap, Python, PHP, React hám basqa programmalastırıw tilleri boyınsha kónlikpelerge ıyelewleri múmkin.
Sanaat-puqara qurılıs hám arxitekturası[redaktorlaw | derekti redaktorlaw]
Sanaattıń zárúrli tarmaqlarınan bolǵan qurılıs hám arxitektura boyınsha studentlerdi qabıl etedi hám qurılıs texnologiyası, kóp tarmaqlı óndiriste qurılıs hám arxitektura boyınsha jetik kadrlar jetistirip shıǵarıwǵa maslasqan.
Energetika[redaktorlaw | derekti redaktorlaw]
Bul jóneliste studentlerge sanaatta energetikanı islep shıǵarıw jáne onı basqarıw, bólistiriw sıyaqlı tarawlarǵa jóneltirilgen tarmaqlarǵa kadrlar jetistirip beredi.
Mashinasazlıq texnologiyası[redaktorlaw | derekti redaktorlaw]
Universitette eń kóp jay mine sol fakultet úlesine tuwrı keledi hám mashinasazlıq texnologiyası universitettiń eń zárúrli tarmaqlarınan biri esaplanadı.
Derekler[redaktorlaw | derekti redaktorlaw]
- ↑ Polito.uz Polito.uz veb-sahifasi
- ↑ Oligoh.uz, 2017-07-14da túp nusqadan arxivlendi, qaraldı: 2016-03-19
- ↑ Abuturent.uz, 2016-03-29da túp nusqadan arxivlendi, qaraldı: 2016-03-19
- ↑ Oʻza.uz, 2016-03-28da túp nusqadan arxivlendi, qaraldı: 2016-03-19
- ↑ Ziyo.net, 2016-01-09da túp nusqadan arxivlendi, qaraldı: 2016-03-19