Արտակ Գնունի
Արտակ Գնունի | |
---|---|
Ծնվել է | նոյեմբերի 8, 1968 (55 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Քաղաքացիություն | Հայաստան |
Ազգություն | հայ |
Արտակ Վարդգեսի Գնունի (ծնվել է 1968 թ. նոյեմբերի 8-ին), հայ հնագետ, պատմական գիտությունների թեկնածու, դոցենտ։
Կրթություն
[խմբագրել | խմբագրել կոդը]Ա.Գնունին 1975-1985 թթ. սովորել է Երևանի N132 Միջնակարգ դպրոցում։ 1985-1987 թթ. սովորել է Երևանի պետական համալսարանում, այնուհետև 1987-1989 թթ. ծառայել է Խորհրդային բանակում, ապա 1989-1992 թթ. շարունակել ուսումը համալսարանում։ 1994-1998 թթ. սովորել է ասպիրանտուրայում (հեռակա)[1]։
Աշխատանքային փորձ
[խմբագրել | խմբագրել կոդը]1992 թ. աշխատել է ԵՊՀ պատմության ֆակուլտետի գիտահետազոտական լաբորատորիայում՝ ավագ ինժեներ։ 1992-2000 թթ. համատեղությամբ աշխատել է ՀՀ ԳԱԱ Հնագիտաթյան և ազգագրության ինստիտուտում՝ որպես գիտաշխատող։ 1992-1998 թթ. եղել է ՀՀ ԱԺ նախագահի օգնականը։ 1998-1999 թթ. եղել է «Հայք» պարբերականի մեկնաբան։ 1999-2001 թթ. աշխատել է ՀՀ կառավարության աշխատակազմի արտաքին կապերի վարչությունում՝ որպես գլխավոր մասնագետ։ 2002 թ.-ից ցայսօր՝ աշխատում է ԵՊՀ պատմության ֆակուլտետի գիտահետազոտական լաբորատորիայում՝ ավագ ինժեներ, իսկ 2005 թ.-ից ցայսօր՝ ԵՊՀ պատմության ֆակուլտետի հնագիտության ամբիոնի դասախոս։
Երկեր
[խմբագրել | խմբագրել կոդը]- «ՀԱՅԱՍՏԱՆԻ ՄԵԳԱԼԻԹՅԱՆ ՀՈՒՇԱՐՁԱՆՆԵՐԸ ԵՎ ԴՐԱՆՑ ԴԱՍԱԿԱՐԳՄԱՆ ԽՆԴԻՐԸ», Հ.Ավետիսյան, Ա.Գնունի, Ա.Բոբոխյան, Գ.Սարգսյան, «Արագածի թիկունքում. Հնագիտական հետազոտություններ նվիրված Տելեմակ Խաչատրյանի hիշատակին», Ե., 2018, էջ 60-69[2]
- «ՈՂՋԻԻ ՄԻՋՆԱՀՈՍԱՆՔԻ Մ.Թ.Ա. II-I ՀԱԶԱՐԱՄՅԱԿՆԵՐԻ ԹԱՂՄԱՆ ԾԵՍԻ ՈՐՈՇ ԱՌԱՆՁՆԱՀԱՏԿՈՒԹՅՈՒՆՆԵՐԻ ՇՈՒՐՋ», Ա.Գնունի, Գ.Խաչատրյան, Ա.Թադևոսյան, «Արագածի թիկունքում. Հնագիտական հետազոտություններ նվիրված Տելեմակ Խաչատրյանի hիշատակին», Ե., 2018, էջ 150-158[2]
- «Հայկական լեռնաշխարհի վաղ բրոնզի դարաշրջանի բնակավայրերը և բնակարանները», Ա.Գնունի, Ե., 2002
- «Բրոնզ-երկաթեդարյան Սյունիքի սրբազան լանդշաֆտը», Հ.Ավետիսյան, Ա.Գնունի, Ա.Բոբոխյան, Գ.Սարգսյան, Ե., ԵՊՀ հրատ., 2015
- «Շենգավթյան մշակույթի օջախները և դրանց համալիրները», Ա.Գնունի, Ե., 2006[2]
- «Բրոնզ-երկաթեդարյան Հայաստանի դամբարանադաշտերի տարածական և կառուցվածքային առանձնահատկությունները. նախնական դիտարկումներ», Հ.Ավետիսյան, Ա.Գնունի, Ա.Բոբոխյան, Գ.Սարգսյան, Լ.Մկրտչյան, Ե., ԵՊՀ հրատ., 2017[3]
- «Դիտարկումներ Հայաստանի ուրարտական շրջանի խեցեգործական ավանդույթների շուրջ», Հ.Ավետիսյան, Ա.Բոբոխյան, Ա.Գնունի, Պ.Ավետիսյան, Ք.Նավասարդյան, Ե., ԵՊՀ հրատ., 2019[4]
Ծանոթագրություններ
[խմբագրել | խմբագրել կոդը]- ↑ «Արտակ Վարդգեսի Գնունի». ysu.am (անգլերեն). Արխիվացված է օրիգինալից 2020 թ․ օգոստոսի 11-ին. Վերցված է 2020 թ․ նոյեմբերի 15-ին.
- ↑ 2,0 2,1 2,2 Գնունի, Արտակ (2006 թ․ հունիսի 22). «Շենգավթյան մշակույթի բնակավայրերում տեղադրված սրբավայրերը և պաշտամունքային կառույցները». Պատմա-բանասիրական հանդես (1): 236–253. ISSN 0135-0536. Արխիվացված է օրիգինալից 2021 թ․ ապրիլի 14-ին. Վերցված է 2020 թ․ նոյեմբերի 15-ին.
- ↑ «Բրոնզ-երկաթեդարյան Հայաստանի դամբարանադաշտերի տարածական և կառուցվածքային առանձնահատկությունները. նախնական դիտարկումներ». Արցախի Էլեկտրոնային Գրադարան. Վերցված է 2020 թ․ նոյեմբերի 15-ին.
- ↑ «Դիտարկումներ Հայաստանի ուրարտական շրջանի խեցեգործական ավանդույթների շուրջ». Արցախի Էլեկտրոնային Գրադարան. Վերցված է 2020 թ․ նոյեմբերի 15-ին.