Դավիթ Ավետիսյան (տնտեսագետ)

Անվան այլ կիրառումների համար տե՛ս՝ Դավիթ Ավետիսյան (այլ կիրառումներ)

Վիքիպեդիայում կան հոդվածներ Ավետիսյան ազգանունով այլ մարդկանց մասին։

Դավիթ Ավետիսյան
Ծնվել է	օգոստոսի 14, 1972(1972-08-14) (51 տարեկան)
Քաղաքացիություն	Հայաստան
Կրթություն	ԵՊՀ իրավաբանական ֆակուլտետ
Գիտական աստիճան	տնտեսագիտական գիտությունների թեկնածու
Մասնագիտություն	տնտեսագետ

Դավիթ Հենրիկի Ավետիսյան (օգոստոսի 14, 1972(1972-08-14)), ՀՀ պետական գործիչ, 2001-2008 թթ. Հայաստանի Հանրապետության ֆինանսների և էկոնոմիկայի նախարարի տեղակալ։

Կրթություն

• 1989-1994 թթ. - սովորել և գերազանցությամբ ավարտել է Երևանի ճարտարապետաշինարարական ինստիտուտը։
• 1994-1997 թթ. - սովորել և ավարտել է Երևանի ճարտարապետաշինարարական ինստիտուտի տնտեսագիտության ֆակուլտետի ասպիրանտուրան։ Կատարել է հետազոտական աշխատանք ԵՊՀ տնտեսագիտության ֆակուլտետում։ Տնտեսագիտության թեկնածու։
• 1994-1997 թթ. - սովորել և ավարտել է Հայաստանի ամերիկյան համալսարանը՝ քաղաքագիտության և միջազգային հարաբերությունների մագիստրոսի որակավորմամբ։
• 1998 թ. - սովորել և ավարտել է Համաշխարհային բանկի տնտեսական զարգացման ինստիտուտը (Կիև)՝ ստանալով հավաստագիր տնտեսագիտության, ֆինանսների և հաշվապահության ոլորտում։
• 1999-2001 թթ. - սովորել և ավարտել է ԱՄՆ Նեբրասկա նահանգի Օմահա քաղաքի Քրեյթոնի համալսարանը՝ բիզնես կառավարման մագիստրոսի որակավորմամբ։
• 2004 թ. - սովորել և ավարտել է ԱՄՆ Հարվարդի համալսարանի Ջոն Քենեդու անվան կառավարման դպրոցը։
• 2005-2009 թթ. - սովորել և ավարտել է ԵՊՀ իրավաբանական ֆակուլտետը՝ «միջազգային իրավունք» մասնագիտացմամբ։
• Մասնակցել է վերապատրաստման դասընթացների Երևանում, Վիեննայում և Փարիզում։

Աշխատանքային գործունեությունը

• 1995-1996 թթ. - ՀՀ կենտրոնական բանկի մոնետար քաղաքականության վարչության մասնագետ։
• 1996-1998 թթ. - ՀՀ կենտրոնական բանկի նախագահի օգնական։
• 1998-1999 թթ. - Միջպետական բանկի նախագահի խորհրդական։
• 1999-2000 թթ. - «Եվրասիա» հիմնադրամի կողմից հրատարակված Անգլերեն-հայերեն-ռուսերեն ֆինանսաբանկային բացատրական բառարանի հեղինակ-ծրագրի ղեկավար։
• 2000 թ. - «Տրոյկա դիալոգ» ՓԲԸ նախագահի խորհրդական ներդրումների գծով։
• 2000 թ. - Համաշխարհային բանկի մասնավոր և ֆինանսական հատվածների զարգացման բաժնի կարճաժամկետ խորհրդատու։
• 2001 թ. ՀՀ վարչապետի որոշմամբ նշանակվել է ՀՀ ֆինանսների և էկոնոմիկայի նախարարի տեղակալ։
• 2003-2004 թթ. - եղել է Հայաստանում հիպոտեկային շուկայի բարեփոխումների և զարգացման հայեցակարգի մշակման աշխատանքային խմբի ղեկավար։
• 2004-2005 թթ. - եղել է Եվրամիությանը Հայաստանի ինտեգրման և օրենսդրության համապատասխանեցման ազգային ծրագրի աշխատանքային խմբի ղեկավար։
• 2004-2005 թթ. - եղել է Ասիական զարգացման բանկին ՀՀ անդամակցության գլխավոր բանակցող։
• 2005-2007 թթ. - եղել է «Հազարամյակի մարտահրավերներ-Հայաստան» ծրագրի գլխավոր բանակցող և աշխատանքային խմբի ղեկավար։
• 2005-2008 թթ. - ՀՀ ֆինանսների և էկոնոմիկայի նախարարության աուդիտորական ընկերությունների և աուդիտորների կարգավորման, վերահսկողության և լիցենզավորման հանձնաժողովի նախագահ։
• 2006-2008 թթ. - ՀՀ ֆինանսների և էկոնոմիկայի նախարարության թանկարժեք մետաղների արդյունաբերության կարգավորման, վերահսկողության և լիցենզավորման հանձնաժողովի նախագահ։
• 2006-2007 թթ. - եղել է Հաշվապահական ստանդարտների և ֆինանսական հաշվետվությունների միջազգային կոմիտեի հետ գլխավոր բանակցող և աշխատանքային խմբի ղեկավար։
• 2006-2007 թթ. - Երևանի ճարտարապետության և շինարարության պետական համալսարանի էկոնոմիկայի և կառավարման ֆակուլտետի դոցենտ։
• 2007-2008 թթ. - եղել է Եվրոպական ներդրումային բանկին ՀՀ անդամակցության գլխավոր բանակցող։
• 2008 թ. մայիսի 19-ին ՀՀ վարչապետի որոշմամբ ազատվել է Հայաստանի Հանրապետության ֆինանսների և էկոնոմիկայի նախարարի տեղակալի պաշտոնից։
• 2008-2009 թթ. - ԵՊՀ իրավաբանական ֆակուլտետի հրավիրյալ դոցենտ։
• 2008 թվականից - ԵՊՀ Եվրոպական իրավունքի և ինտեգրման կենտրոնի արտաքին ֆինանսավորման, բյուջետավորման և դրամահավաքի գծով երկարաժամկետ փորձագետ։
• Իրականացրել է բազմաթիվ գիտական հետազոտություններ։

Անկուսակցական է։ Ամուսնացած է։ Տիրապետում է ռուսերեն և անգլերեն լեզուներին։