Lussemburc (citât)
Lussemburc (Lëtzebuerg o, in tal tabaià di ogni zornade, d'Stad in lussemburghês, Luxembourg in francês, Luxemburg in todesc) a je le capitâl dal Granducât di Lussemburc. A je logade in tun speron di clap dulà che a si cjatin i flums Alzette e Pétrusse e a conte 124 528 abitants in tal 2021.
| Lussemburgo | ||
|---|---|---|
| FR: Luxembourg
DE: Luxemburg LB: Lëtzebuerg |
 |
 |
 | ||
| Stât: | Lussemburc | |
| Cjanton: | Lussemburc | |
| Sindic: | Lydie Polfer | |
| Altitudin: | 230 - 402 m s.n.m. | |
| Superficie: | 51,47 km² | |
| Popolazion: | 124 528 ab. | |
| Densitât: | 2 419,43 ab./km² | |
| https://www.vdl.lu/en | ||
Amministrazion[cambie | modifiche il codiç]
Il sindic de citât di Lussemburc a je Lydie Polfer (Demokratesch Partei), dal 2013. I sindics precedents dai ultims ains a sono stâs Xavier Bettel (2011-2013) e Paul Helminger (1999-2011), duç dal istes partît. Le Lydie Polfer e jere già stade sindic de citât prime di Paul Helminger, dal 1982 al 1999.
Quartîrs[cambie | modifiche il codiç]
Le citât e je dividude il 24 quartîrs (par lussemburghês quartierën, par francês quartiers, par todesc Stadtteile): Beggen, Belair, Bonnevoie-Nord-Verlorenkost, Bonnevoie-Sud, Ville-Haute, Cents, Cessange, Clausen, Dommeldange, Eich, Gare, Gasperich, Grund, Hamm, Hollerich, Kirchberg, Limpertsberg, Merl, Muhlenbach, Neudorf-Weimershof, Pfaffenthal, Pulvermuhl, Rollingergrund-Belair-Nord, Weimerskirch.
Traspuarts[cambie | modifiche il codiç]
Dal 10 dicembar 2017 le citât e dispon di une moderne tranvie in espansion, il cui servizi al è, dal 1° març 2020, gratuit.
Lussemburc e je ancje une stazion dal TGV Est da 10 Giugn 2007.
A Lussemburc si cjate l'unic aeropuart dal paîs, l'Aeropuart di Lussemburc-Findel.
Monuments[cambie | modifiche il codiç]
A Lussemburc a son logâs tanç lûcs di grande impuartance cultural, politiche e storiche:
- il Palaç Granducâl lussemburghês, costruit dal 1572 cun i proğets di Adam Roberti e le residence uffiziâl de famee granducâl dal 1890.
- le Cjamare dai deputâts, il parlament dal granducât.
- le Cattedrâl di Notre-Dame, glesie in stîl tart-gotic dulà che a son seppelîs qualchi membri de famee real dal Lussemburc: Zuan I di Boemie, fii di Enric VII di Lussemburc; Marie Anne di Bragance, femine di Vielm IV di Lussemburc; Marie Adelaide di Lussemburc, fie di Vielm IV di Lussemburc; Carlotte di Lussemburc, fie di Vielm IV di Lussemburc; Felice di Borbone di Parme, om di Carlotte di Lussemburc; Carli di Lussemburc, fii di Carlotte di Lussemburc; Giusepine Carlotte dal Belgjo, femine di Zuan di Lussemburc; Zuan di Lussemburc, fii di Carlotte di Lussemburc.
- le Place Guillaume e je le place principâl de citât dulà che si cjate il Municipi, costruit in tal 1830.
Le catedrâl di Lussemburc - le statue de "Gëlle Fra" o "Siore d'aur".
