Karl Wilhelm Ferdinand von Braunschweig

den
Reizh pe jener	paotr
Bro ar geodedouriezh	Braunschweig-Wolfenbüttel
Anv-bihan	Karl, Wilhelm, Ferdinand
Anv-familh	talvoud ebet
Titl noblañs	dug
Deiziad ganedigezh	9 Her 1735
Lec'h ganedigezh	Wolfenbüttel
Deiziad ar marv	10 Du 1806, 10 Her 1806
Lec'h ar marv	Ottensen, Altona
Lec'h douaridigezh	Brunswick Cathedral
Tad	Karl Iañ Braunschweig-Wolfenbüttel
Mamm	Philippine Charlotte Prusia
Pried	Augusta Hannover
Familh	Brunswick-Bevern
Yezhoù komzet pe skrivet	alamaneg
Micher	milour, marshal
Tachenn labour	military affairs, Politikerezh
Lec'h labour	Braunschweig
Relijion	Luteriegezh
Grad milourel	Generalfeldmarschall, jeneral
Brezel	Brezelioù Napoleon
Ezel eus	Royal Society
Prizioù resevet	ezel eus ar Royal Society, Order of Saint Alexander Nevsky, Order of St. Andrew, Order of the Garter
Deskrivet dre	Duke Charles II, William Ferdinand, Duke of Brunswick-Wolfenbüttel (1735-1806)

Karl Wilhelm Ferdinand Braunschweig (1735 Wolfenbüttel - 1806, Ottensen), anavezet ivez evel Karl II Wilhelm Ferdinand von Braunschweig, pe Dug Braunschweig-Lüneburg, ur stad alaman eus an Impalaeriezh santel roman german, a oa priñs ha soudard a vicher, jeneral en arme Prusia, ha pennjeneral ( Generalfeldmarschall) an armeoù alaman a-enep Napoleone Buonaparte e deroù an XIXvet kantved. Kar e oa da roue Prusia dre e vamm, ha breur-kaer e oa da George III, roue Bro-Saoz, dre ma oa dimezet d'e c'hoar Augusta von Hannover.

E vuhez

Mab e oa d'an dug Karl Iañ von Braunschweig-Wolfenbüttel ha da Philippine Charlotte von Preußen, merc'h da roue Prusia.

Un deskadurezh vat en doa bet. Beajiñ a reas en Izelvroioù ha dre Vro-C'hall en e yaouankiz, hag en Alamagn ivez. Servij a reas en arme dindan e eontr Ferdinand von Braunschweig-Lüneburg. Kentañ tro ma'z eas da vrezeliñ avat a voe dindan dug Cumberland e 1757.

E 1780, da 45 bloaz, e voe anvet da zug war-lerc'h marv e dad, Karl Iañ.

Brudet e oa evel ur mestr war ar brezelekaat en XVIIIvet kantved, evel den a sevenadur ha despot madelezhus, hervez patrom Frederig II Prusia. Brasoc'h brud a dapas c'hoazh e penn ur vrigadenn troadeien en emgann Hastenbeck.

Den a sevenadur ha spered sklerijennet

Goude echuet Brezel ar Seizh vloaz ez eas da Vro-Saoz gant e wreg, merc'h da Frederig, priñs Kembre. En 1766 ez eas da Vro-C'hall ma voe degemeret gant enorioù, saludet gant e enebourien. E Pariz e reas anaoudegezh gant Jean-François Marmontel. Goude ez eas da Suis hag e weladennas Voltaire. Ur pennad e chomas e Roma da studiañ traezhoù an Henamzer, a-gevret gant Johann Joachim Winckelmann. Goude un droiad da vetek Naplez e tistroas da Bariz, hag alese d'ar gêr. Chom a reas da c'houarn e zugelezh er bloavezhioù goude. Gant skoazell e vinistr Feonçe von Rotenkreuz e teuas a-benn da virout ouzh kas e stad da baour-du gant ar brezel. Soudard kentañ e amzer a felle dezhañ bezañ. Pennkomandant an armeoù unanet e vo.

Jeneral an arme alaman unanet

Entre 1763 ha 1787 ne gemeras perzh nemet ur wech e-pad Brezel Hêrezh Bavaria, ha ne badas ket pell; diwezhatoc'h e kasas an arme da aloubiñ an Izelvroioù. Trec'h e voe buan, hep skuilhañ gwad. D'e gempredidi e oa ur skouer a vrezelekadenn disi. pemp bloaz goude e voe anvet da bennkomandant an arme alaman hag aostrian bodet da aloubién bro-C'hall ha mougaén an dispac'h gall. Hervez an noblañsed dc'hall divroet ne gavje ket e arme nemeur a enebiezh war e hent.

Von Braunschweig ac'h ae war-raok divall, betek Emgann Valmy a echuas gant ssouzadenn ar Gevredidi.

Perzh a gemeras e Seziz Mainz (1793).

En 1806 e kollas e wreg hag e vab henañ. Daoust da se, ha war c'houlenn rouanez Prusia Luise von Mecklenburg-Strelitz, e kemeras penn arme Prusia.

Hogen adarre, abalamour d'ar roue ha d'an dizemglev etre kuzulierien ar roue a voe skoilhoù dezhañ.

Gloazet e voe en emgann Auerstaedt. E-pad miz e voe douget e-kreiz un arme brusian faezhet. Mervel a eure d'an 10 a viz Du 1806, en Ottensen, e-tal Hamburg.

E vab Frédéric Guillaume de Brunswick-Wolfenbüttel (1771-1815) a voe dug war e lerc'h. Enebiñ a raio ouzh Napoleon en Alamagn.

Dimeziñ ha bugale

Dimeziñ a reas e 1764 da Augusta von Hannover (1737-1806), merc'h da Frederick, priñs Kembre ha merc'h-vihan da George II .

Seizh bugel o doe:

Augusta (1764-1788), a zimezas en 1780 da Frederig III, dug Wurtemberg
Karl (1766-1806), a zimezas en 1790 da Frédérique van Orange-Nassau (1770-1819) (merc'h da Guillaume V van Orange-Nassau, stathouder ar Proviñsoù-Unanet)
Caroline Amelie (1768-1821), a zimezas e 1795 da George IV (1762-1830)
Georg (1769-1811)
August (1770-1820)
Friedrich Wilhelm (1771-1815), dug Braunschweig-Wolfenbüttel, Braunschweig-Bevern, Braunschweig-Danneburg, Braunschweig-Göttingen, Braunschweig-Salzderhelden ha Braunschweig-Osterode adal 1806 betek 1820, a zimezas en 1802 da Maria Elisabeth Wilhelmine von Baden‎ (1782-1808), merc'h da Karl Ludwig von Baden ha da Amalie von Hessen-Darmstadt ha c'hoar da impalaerez Rusia ha da rouanez Sveden; daou vab o doe, an eil e oa an dug Wilhelm von Braunschweig-Wolfenbüttel marvet en 1884, an hini diwezhañ eus ar skourr Braunschweig-Wolfenbüttel.
Amelie (1772-1773), marvet da ur bloaz

Un dimeziñ politikel e oa e hini, ha ne oant ket tomm an daou bried an eil ouzh egile. Serc'hed en doe, ha dreist-holl Maria Antonia Branconi ha Louise Hertefeld. Diseblanted Augusta avat a veze kontedt da vout rogoni, ha monta rae an teodoù en-dro diwar he c'houst, dreist-holl peogwir eoa nammet he mibien henañ.

A bep seurt

Perzh a gemere en ur gevredigezh kuzh, Der Illuminatenorden

Levrlennadur

Lord Fitzmaurice, Charles W. F., duc de Brunswick (Londres, 1901); mémoire de Allgemeine deutsche Biographie, vol. ii. (Leipzig, 1882).
Arthur Chuquet, Les Guerres de la Révolution : La Première Invasion prussienne (Paris).
Jean-Charles Volkmann, Généalogies des Rois et de princes, Édition Jean-Paul Gisserot (1998).