Леў Аляксандравіч Мяленцьеў

Леў Аляксандравіч Мяленцьеў
руск.: Лев Александрович Мелентьев
Дата нараджэння	9 (22) снежня 1908
Месца нараджэння	Санкт-Пецярбург, Расійская імперыя
Дата смерці	8 ліпеня 1986(1986-07-08) (77 гадоў)
Месца смерці	Масква, РСФСР, СССР
Месца пахавання	Новадзявочыя могілкі
Грамадзянства	Расійская імперыя  СССР
Бацька	Aleksandr Melentyev[d]
Род дзейнасці	навуковец, палітык
Навуковая сфера	энергетыка
Месца працы	Энергетычны інстытут АН СССР, Ленінградскі інжынерна-эканамічны інстытут, Сібірскі энергетычны інстытут, Інстытут высокіх тэмператур
Навуковая ступень	доктар тэхнічных навук
Навуковае званне	акадэмік АН СССР
Альма-матар	Санкт-Пецярбургскі дзяржаўны політэхнічны ўніверсітэт імя Пятра Вялікага
Вядомыя вучні	Lev Popyrin[d], Yuriy Rudenko[d], Aleksey Makarov[d], Q15066043? і A. P. Merenkov[d]
Партыя	КПСС
Член у	Акадэмія навук СССР
Узнагароды	Медаль «За доблесную працу ў Вялікай Айчыннай вайне 1941-1945 гг.» Медаль «У азнаменаванне 100-годдзя з дня нараджэння Уладзіміра Ільіча Леніна» Медаль «У памяць 250-годдзя Ленінграда»

Леў Аляксандравіч Мяленцьеў (руск.: Лев Александрович Мелентьев; 9 (22) снежня 1908, Санкт-Пецярбург — 8 ліпеня 1986, Масква) — савецкі вучоны ў галіне энергетыкі. Доктар тэхнічных навук. Прафесар. Акадэмік АН СССР (1966, член-карэспандэнт з 1960). Герой Сацыялістычнай Працы (1969).

Біяграфія

Л. А. Мяленцьеў нарадзіўся ў Санкт-Пецярбургу. У 1926 годзе скончыў школу № 34 у Ленінградзе, у 1930 годзе інжынерна-эканамічны факультэт Ленінградскага электрамеханічнага інстытута. З 1929 г. працаваў у Ленінградзе на энергетычных прадпрыемствах, з 1936 года ў Ленінградскім інжынерна-эканамічным інстытуце (старшы выкладчык, загадчык кафедры, намеснік дырэктара). У 1937 годзе абараніў кандыдацкую дысертацыю. З пачаткам Вялікай Айчыннай вайны быў пакінуты ў Ленінградзе выконваючы абавязкі дырэктара інжынерна-эканамічнага інстытута, а ў 1942 годзе эвакуіравана ў Казань. З 1942 года Л. А. Мяленцьеў у Энергетычным інстытуце АН СССР. З 1945 г. зноў у Ленінградзе, у інжынерна-эканамічным інстытуце. У 1960 годзе Л. А. Мяленцьеў запрошаны ў Іркуцк і прызначаны дырэктарам Сібірскага энергетычнага інстытута Сібірскага аддзялення АН СССР. З 1973 года ў інстытуце высокіх тэмператур — загадчык аддзела комплексных праблем энергетыкі, Адначасова ў 1973—1985 гг. старшыня Навуковага савета па комплексным праблемам энергетыкі АН СССР, намеснік акадэміка-сакратара Аддзялення фізіка-тэхнічных праблем энергетыкі АН СССР. У 1985—1986 гг. — заснавальнік і дырэктар Інстытута энергетычных даследаванняў Расійскай акадэміі навук. У 1976—1985 гг. Л. А. Мяленцьеў кіраваў падкамісіяй па энергетыцы і электрыфікацыі Міжведамаснай энергетычнай камісіі.

Памёр Л. А. Мяленцьеў 8 лістапада 1986 г. і пахаваны на Новадзявочых могілках у Маскве.

Навуковая і грамадская дзейнасць

Л. А. Мяленцьеву належаць навуковы працы па тэарэтычных асновах і метадах аптымізацыі структуры паліўна-энергетычнага комплексу, матэматычным мадэліраванні, аптымізацыі і кіраванню ў энергетыцы, развіццю цеплавой энергетыкі і інш. Адзін з заснавальнікаў Усходне-Сібірскага паліўна-энергетычнага комплексу СССР у раёне Брацк—Усць-Ілімск—Іркуцк. Аўтар, сааўтар і адказны рэдактар 33 манаграфій і больш за 100 артыкулаў.

Член УКП(б) з 1947 года. Дэпутат Вярхоўнага Савета СССР 6-га і 8-га скліканняў.

Узнагароды і прэміі

• Медаль «Серп і Молат»
• 4 ордэны Леніна
• Ордэн Працоўнага Чырвонага Сцяга
• Ордэн Кастрычніцкай Рэвалюцыі
• Ордэн «Знак Пашаны»
• Медаль «За доблесную працу ў Вялікай Айчыннай вайне 1941—1945 гг.»
• Медаль «За доблесную працу. У азнаменаванне 100-годдзя з дня нараджэння У. І. Леніна»
• Медаль «У памяць 250-годдзя Ленінграда»
• Залаты медальімя Ф. Крыжыка «За заслугі ў тэхнічных навуках» Чэхаславацкай акадэміі навук (1978)
• 2 Прэміі імя Г. М. Кржыжыноўскага (1960 і 1982 гг.)
• Прэмія Савета міністраў СССР (1985)
• Ганаровы доктар Пражскага політэхнічнага інстытута (1981)
• Ганаровы доктар Гданьскага політэхнічнага інстытута (1986)

Памяць

• У 1997 годзе Сібірскі энергетычны інстытут перайменаваны ў Інстытут сістэм энергетыкі імя Л. А. Мяленцьева Сібірскага аддзялення РАН. На будынку інстытута ўсталявана мемарыяльная дошка.
• У гонар вучонага названа адна з вуліц Іркуцка.
• Заснавана прэмія імя Л. А. Мяленцьева і Ю. М. Рудэнкі Сібірскага аддзялення РАН за працы ў галіне сістэм энергетыкі.

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11). — С. 72.

Спасылкі

• Леў Аляксандравіч Мяленцьеў на сайце «Героі краіны»
• Известные учёные СЭИ // Институт систем энергетики им. Л. А. Мелентьева Сибирского отделения РАН Архівавана 4 сакавіка 2016. (руск.)
• Профіль на сайце РАН (руск.)
• Мелентьев Лев Александрович // Сайт Архівы РАН (руск.)