Argentėnas gimnos
Argentėnas valstībėnis himnos (ispanėškā Himno Nacional Argentino), teipuogi vagol pėrmas eilotes vadėnams Oíd mortales īr Argentėnas Respoblėkuos valstībėnis himnos, sokorts 1813 m. Anuo mozėka paraše José Blas Parera, o ėiles ėšgolde Vicente López y Planes.
Ėstorėjė
Argentėnos himna pėrminė versėjė „El 25 de Mayo“ atlėkta vaidėnėme „Casa de Comedia“ 1812 m. gegožės 24 d. vagol Luisa Ambrosėje Moranties žuodios ėr Blaso Pareras mozėka. Ana pate nakte remdamasės ėšgėrstu himnu, Vicentė Luopesas pradie rašīt „Marcha Patriótica“. 1813 m. gegožės 11 d. Generalėnė Konstėtocėnė Asambliejė pritarė pasiūlītam himna pruojektui ėr ipareiguoja Blasa Parera sokort mozėka. Ėspans B. Parera, bandīdams ėšvengt pruoblemu so Ėspanėjės karaliom atsėsakė, no Asambliejā pagrasėnus smerties bausme, ans sokorė par vėina nakte. Ožbaigts himns pėrma karta atlėkts arėstuokrates Mariquita Sánchez de Thompson namuose 1813 m. gegožės 14 d., o vėišā pristatīts gegožės 25 d., kap „Canción Patriótica“. 1847 m. parvadints i „Himno Nacional Argentino“. 1900 m. kuova 30 d. prezėdenta Julio Roca notarėmu valstībėnis himnos sotrompėnts (palikts pėrms ėr paskotinis puosms) motīvoujant kuo, taikuos čiesu ožtenk' ė trompesne varėanta.
Argentėnas himna sodara ėžonga (tėk mozėka), pagrėndėnes ėilies ėr prėidaines. Spuortėniu varžību čiesu tonkiausē gruojėma tėk ėžonga.
Ėspanėšks teksts
Oíd mortales! el grito sagrado:
Libertad, Libertad, Libertad!
Oíd el ruido de rotas cadenas:
Ved en trono a la noble Igualdad.
Ya su trono dignísimo abrieron
Las provincias unidas del Sud!
Y los libres del mundo responden:
Al Gran Pueblo Argentino Salud!
Al Gran Pueblo Argentino Salud!
Y los libres del mundo responden:
Al Gran Pueblo Argentino Salud!
Y los libres del mundo responden:
Al Gran Pueblo Argentino Salud!
Prėidaines
Sean eternos los laureles
Que supimos conseguir,
Que supimos conseguir.
Coronados de gloria vivamos...
O juremos con gloria morir,
O juremos con gloria morir,
O juremos con gloria morir!
Žemaitėšks vertėms
Klausīkėt smertnieje gaiduos švėntuos:
Laisvie! Laisvie! Laisvie!
Klausīkėt ložtontiu grandėniu triokšma:
Veiziekėt ėšaukštėnta dėdėngōje Lėgībe.
Jau novertė sava žiauru tėruona
Jongtėnies Pėitū Provincėjės!
Ėr vėsi valni svieta žmuonis kartuoj:
Mes sveikėnam dėdē Argentėnas liaudē!
Mes sveikėnam dėdē Argentėnas liaudē!
Ėr vėsi valni svieta žmuonis kartuoj:
Mes sveikėnam dėdē Argentėnas liaudē!
Ėr vėsi valni svieta žmuonis kartuoj:
Mes sveikėnam dėdē Argentėnas liaudē!
Preidainės
Lai būv' amžėni anie laurā,
Katruos mokiejam gaut,
Katruos mokiejam gaut.
Gīvenkėm karonouti šluove...
Uo prisėikėm nomėrt so ana,
Uo prisėikėm nomėrt so ana,
Uo prisėikėm nomėrt so ana!