Google Chrome

Google Chrome është një shfletues uebi i shpejtë, i lehtë për t'u përdorur dhe i sigurt. I projektuar për Android, Chrome të sjell artikuj të personalizuar lajmesh, lidhje të shpejta për te sajtet e tua të preferuara, shkarkime, si dhe 'Kërko në Google' dhe 'Përkthe me Google' të integruara. Shkarkoje tanai për të shijuar të njëjtën përvojë të pëlqyer të shfletuesit të uebit Chrome në të gjitha pajisjet e tua.

Shfleto shpejt dhe shkruaj më pak. Zgjidh nga rezultatet e personalizuara të kërkimit që shfaqen menjëherë kur shkruan dhe shfleto me shpejtësi faqet e uebit që ke vizituar më parë. Plotëso formularët me shpejtësi me 'Plotësimin automatik'.

Shfletimi në modalitetin 'I fshehtë'. Përdor modalitetin 'I fshehtë' për të shfletuar në internet pa e ruajtur historikun tënd. Shfleto në mënyrë private nëpër të gjitha pajisjet e tua.

Qasu në Chrome në pajisje të ndryshme. Kur identifikohesh në Chrome, mund të ruash faqeshënuesit, fjalëkalimet etj. në 'Llogarinë tënde të Google' që të mund të qasesh në to në pajisjet e tua të tjera.

Të gjitha përmbajtjet e tua të preferuara, një trokitje larg. Chrome jo vetëm që është i shpejtë për 'Kërko në Google', por është projektuar i dizajnuar që të jesh një trokitje larg nga të gjitha përmbajtjet e tua të preferuara. Mund të trokasësh në sajtet e lajmeve ose median sociale të preferuar drejtpërdrejt nga faqja e skedës së re. Chrome ka gjithashtu veçorinë 'Trokit për të kërkuar' në shumicën e faqeve të uebit. Mund të trokasësh në çdo fjalë ose frazë për të nisur një kërkim në Google ndërsa je akoma në faqen që po shijon.

Mbro telefonin tënd me 'Shfletimin e sigurt të Google'. Chrome ka 'Shfletimin e sigurt të Google' të integruar. Ai e mban telefonin tënd të sigurt duke të të shfaqur paralajmërime kur përpiqesh të navigosh në sajte të rrezikshme ose të shkarkosh skedarë të rrezikshëm.

Shkarkime të shpejta dhe shikim i faqeve të uebit dhe videove offline Chrome ka një buton të dedikuar shkarkimi, kështu që mund të shkarkosh me lehtësi video, fotografi dhe faqe të tëra uebi me vetëm një trokitje. Chrome ka gjithashtu qendrën e shkarkimeve pikërisht në Chrome, ku mund të kesh qasje në të gjitha përmbajtjet që ke shkarkuar, edhe kur je offline.

Kërkimi me zë i Google. Chrome të jep një shfletues uebi me të cilin mund të flasësh vërtet. Përdor zërin tënd për të gjetur përgjigje kur je në lëvizje pa shkruar dhe pa përdorur duart. Mund të shfletosh dhe të navigosh më shpejt duke përdorur zërin në çdo kohë dhe në çdo vend.

'Përkthe me Google' i integruar: Përkthe me shpejtësi faqe të tëra uebi. Chrome ka 'Përkthe me Google' të integruar për të të ndihmuar të përkthesh të gjithë uebin në gjuhën tënde me një trokitje

Rekomandime të personalizuara inteligjente. Chrome krijon një përvojë të personalizuar sipas interesave të tu. Në faqen e skedës së re, do të gjesh artikuj që ka zgjedhur Chrome bazuar në historikun tënd të mëparshëm të shfletimit.