Google Chrome

Name: Google Chrome
Availability: InStock
Rating: 4.116746425628662 (44946842 reviews)
Author: Google LLC

Google LLC

4.1

ការវាយតម្លៃ 44.9 លាន

10 ប៊ីលាន+

ការទាញយក

USK៖ គ្រប់វ័យ

អំពីកម្មវិធីនេះ

Google Chrome គឺជាកម្មវិធីរុករកតាមអ៊ីនធឺណិតមានល្បឿនលឿន ងាយស្រួលប្រើ និងសុវត្ថិភាព។ ជាមួយការរចនាឡើងសម្រាប់ Android កម្មវិធី Chrome ផ្ដល់នូវអត្ថបទព័ត៌មានដែលស្របនឹងអ្នក តំណរហ័សសម្រាប់ចូលទៅកាន់ទំព័រដែលអ្នកចូលចិត្ត ឯកសារទាញយក ព្រមទាំងភ្ជាប់មកជាមួយកម្មវិធី Google ស្វែងរក និង Google បកប្រែ។ សូមទាញយកឥឡូវនេះ ដើម្បីទទួលបានបទពិសោធន៍ប្រើប្រាស់កម្មវិធីរុករកតាមអ៊ីនធឺណិត Chrome ដូចៗគ្នាដែលអ្នកពេញចិត្តនៅលើឧបករណ៍ទាំងអស់របស់អ្នក។

រុករករហ័ស និងវាយបញ្ចូលតិចជាងមុន។ ជ្រើសរើសពីលទ្ធផលស្វែងរកផ្ទាល់ខ្លួនដែលបង្ហាញភ្លាមៗ ខណៈពេលដែលអ្នកវាយបញ្ចូល និងរុករកគេហទំព័រដែលបានចូលទៅកាន់ពីមុនបានយ៉ាងរហ័ស។ បំពេញទម្រង់បែបបទបានរហ័សដោយប្រើការបំពេញស្វ័យប្រវត្តិ។

ការរុករកលក្ខណៈឯកជន។ ប្រើមុខងារឯកជន ដើម្បីរុករកលើអ៊ីនធឺណិតដោយមិនចាំបាច់រក្សាទុកប្រវត្តិរបស់អ្នក។ រុករកជាលក្ខណៈឯកជននៅលើឧបករណ៍ទាំងអស់របស់អ្នក។

ចូលប្រើប្រាស់ Chrome របស់អ្នកនៅលើឧបករណ៍នានា។ នៅពេលអ្នកចូល Chrome អ្នកអាចរក្សាទុកចំណាំ ពាក្យសម្ងាត់ និងអ្វីៗជាច្រើនទៀតនៅក្នុងគណនី Google របស់អ្នក ដូច្នេះអ្នកអាចចូលប្រើប្រាស់អ្វីទាំងនោះនៅលើឧបករណ៍ផ្សេងទៀតរបស់អ្នក។

ចូលប្រើខ្លឹមសារដែលអ្នកចូលចិត្តទាំងអស់ដោយគ្រាន់តែចុចម្ដងប៉ុណ្ណោះ។ Chrome មិនត្រឹមតែមានល្បឿនលឿនសម្រាប់កម្មវិធី Google ស្វែងរកប៉ុណ្ណោះទេ ប៉ុន្តែវាត្រូវបានរចនាឡើងសម្រាប់ផ្ដល់ភាពងាយស្រួលដល់អ្នកក្នុងការចូលប្រើខ្លឹមសារដែលអ្នកចូលចិត្តទាំងអស់ដោយគ្រាន់តែចុចម្ដងប៉ុណ្ណោះ។ អ្នកអាចចុចនៅលើគេហទំព័រព័ត៌មាន ឬបណ្ដាញសង្គមសំណព្វរបស់អ្នកដោយផ្ទាល់ពីផ្ទាំងទំព័រថ្មី។ Chrome មានមុខងារ “ចុចដើម្បីស្វែងរក” ដែលអាចប្រើនៅលើគេហទំព័រភាគច្រើន។ អ្នកអាចចុចនៅលើពាក្យ ឬឃ្លាណាមួយ ដើម្បីចាប់ផ្ដើមធ្វើការស្វែងរកតាមរយៈ Google ពេលកំពុងស្ថិតនៅលើទំព័រដែលអ្នកកំពុងរីករាយប្រើប្រាស់។

ការពារទូរសព្ទរបស់អ្នកដោយប្រើមុខងារ Google រុករកដោយសុវត្ថិភាព។ Chrome មានភ្ជាប់មកជាមួយមុខងារ Google រុករកដោយសុវត្ថិភាព។ វាធ្វើឱ្យទូរសព្ទរបស់អ្នកមានសុវត្ថិភាពដោយបង្ហាញការព្រមានទៅអ្នក នៅពេលដែលអ្នកព្យាយាមរុករកទំព័រដែលមានគ្រោះថ្នាក់ ឬទាញយកឯកសារដែលមានគ្រោះថ្នាក់។

ទាញយករហ័ស និងមើលគេហទំព័រ និងវីដេអូពេលគ្មានអ៊ីនធឺណិត Chrome មានប៊ូតុងទាញយកដាច់ដោយឡែក ដូច្នេះអ្នកអាចទាញយកវីដេអូ រូបភាព និងគេហទំព័រទាំងមូលបានយ៉ាងងាយស្រួលដោយគ្រាន់តែចុចម្ដងប៉ុណ្ណោះ។ Chrome ក៏មានទំព័រដើមទាញយកផ្ទាល់ខាងក្នុង Chrome ផងដែរ ដែលអ្នកអាចចូលប្រើខ្លឹមសារទាំងអស់ដែលអ្នកបានទាញយក ទោះបីជាគ្មានអ៊ីនធឺណិតក៏ដោយ។

Google ស្វែងរកតាមសំឡេង។ Chrome ផ្ដល់ឱ្យអ្នកនូវកម្មវិធីរុករកតាមអ៊ីនធឺណិតដែលអ្នកអាចនិយាយជាមួយបាន។ ប្រើសំឡេងរបស់អ្នក ដើម្បីស្វែងរកចម្លើយនៅពេលកំពុងជាប់រវល់ដោយមិនចាំបាច់វាយបញ្ចូល ឬប្រើដៃនោះទេ។ អ្នកអាចរុករកបានរហ័សជាងមុន ដោយប្រើសំឡេងរបស់អ្នកនៅគ្រប់ទីកន្លែង និងគ្រប់ពេលវេលា។

ភ្ជាប់មកជាមួយកម្មវិធី Google បកប្រែ៖ បកប្រែគេហទំព័រទាំងមូលបានយ៉ាងរហ័ស។ Chrome មានភ្ជាប់មកជាមួយកម្មវិធី Google បកប្រែ ដើម្បីជួយអ្នកក្នុងការបកប្រែបណ្ដាញទាំងមូលទៅជាភាសារបស់អ្នកដោយគ្រាន់ចុចតែម្ដងប៉ុណ្ណោះ។

ការណែនាំឆ្លាតវៃស្របនឹងអ្នក។ Chrome បង្កើតបទពិសោធន៍ប្រើប្រាស់តម្រូវតាមចំណាប់អារម្មណ៍របស់អ្នក។ អ្នកនឹងអាចមើលឃើញអត្ថបទផ្សេងៗដែល Chrome បានជ្រើសរើសដោយផ្អែកលើប្រវត្តិរុករកពីៗមុនរបស់អ្នក នៅលើទំព័រផ្ទាំងថ្មី។

បានដំឡើងកំណែនៅ

23 មេសា 2024

សុវត្ថិភាពទិន្នន័យ

សុវត្ថិភាពចាប់ផ្ដើមពីការយល់ដឹងអំពីរបៀបដែលអ្នកអភិវឌ្ឍន៍ប្រមូល និងចែករំលែកទិន្នន័យរបស់អ្នក។ ការអនុវត្តចំពោះសុវត្ថិភាព និងឯកជនភាពទិន្នន័យអាចខុសគ្នាទៅតាមការប្រើប្រាស់ តំបន់ និងអាយុរបស់អ្នក។ អ្នកអភិវឌ្ឍន៍បានផ្ដល់ព័ត៌មាននេះ និងអាចធ្វើបច្ចុប្បន្នភាពវានៅពេលខាងមុខ។