Google Chrome

Google Chrome é un navegador web rápido, seguro e fácil de usar deseñado para Android. Chrome inclúe artigos de noticias personalizadas, ligazóns rápidas aos teus sitios favoritos e descargas, ademais de ter a Busca de Google e o Tradutor de Google integrados. Descárgao agora para gozar da experiencia que ofrece o navegador web Chrome que tanto che gusta en todos os teus dispositivos.

Navega rápido e escribe menos. Escolle algún dos resultados de busca personalizados que aparecen de forma instantánea mentres escribes, e explora rapidamente as páxinas web que xa visitases. Completa formularios rapidamente grazas á función de autocompletar.

Navegación no modo de incógnito. Usa o modo de incógnito para navegar por Internet sen gardar o teu historial. Navega de forma privada en todos os teus dispositivos.

Sincroniza Chrome nos teus dispositivos. Ao iniciar sesión en Chrome, sincronízanse automaticamente os marcadores, os contrasinais e a configuración en todos os teus dispositivos. Podes acceder facilmente a toda a túa información desde o teu teléfono, tableta ou ordenador portátil.

Accede ao teu contido favorito cun toque. Chrome non só permite utilizar con rapidez a Busca de Google, senón que está deseñado para que poidas acceder ao teu contido favorito cun só toque. Podes tocar os teus sitios favoritos de noticias ou as redes sociais na páxina de nova pestana. Chrome tamén permite utilizar na maioría das páxinas web a función Tocar para buscar. Podes tocar calquera palabra ou frase para iniciar unha busca de Google sen saír da páxina que esteas vendo.

Protexe o teu teléfono coa Navegación segura de Google. Chrome inclúe a Navegación segura de Google, que protexe o teu dispositivo ao mostrarche advertencias cando tentas navegar por sitios perigosos ou descargar ficheiros que poidan poñer en risco o dispositivo.

Descarga contido rapidamente e desfruta de páxinas web e vídeos sen conexión Chrome ten un botón especial para as descargas, polo que podes descargar facilmente vídeos, imaxes e páxinas web completas cun só toque. Tamén inclúe unha función que che permite acceder a todo o contido que descargues aínda que non teñas conexión.

Busca por voz de Google. Chrome é un navegador web co que podes falar. Utiliza a voz para atopar respostas esteas onde esteas sen ter que escribir nada. Deste xeito, podes navegar máis rápido utilizando a voz desde calquera lugar e en calquera momento.

Tradutor de Google integrado: podes traducir rapidamente páxinas web completas. Chrome inclúe o Tradutor de Google, que che permite traducir páxinas web completas ao teu idioma cun só toque.

Recomendacións personalizadas intelixentes. Chrome ofrece unha experiencia adaptada aos teus intereses. Na páxina de nova pestana, atoparás artigos seleccionados por Chrome en función do teu historial de navegación.