A̱ba̱ptis
A̱ba̱ptis bibya yet sot Khwikristi|Khwikiristi a̱ lyen ma̱ng ya̱li̱ri̱p ku tyei a̱niet ma̱ a̱sa̱khwot di̱n jen nyian ba̱ptisman a̱ni. A̱ba̱ptis ba shim a̱ nyia̱ a̱yin ba̱tisman di̱ mi nwai nwuak a̱cucuk ma̱ng sha̱i ma̱ng a̱nu nang Yesu wa yet A̱tyusan bah. A̱yaaladi Ba̱ptis ba shim nang a̱mgba̱m a̱niet na nwuak shin a̱zaghyi A̱gwaza mat nkyang ba̱ nyian ku ba̱ na nyia̱ a̱ni mi̱ Swanta hu a̱ni. Ba̱ shim nang a̱mgba̱m a̱niet ba̱ na shyia̱ san sa̱ngba̱p a̱ni maai ba̱ lyen nang shok A̱gwaza ja ma̱ng nwuak fwuo di̱ Yesu. Za̱nang A̱gwaza ja nang swuan sa̱ngba̱p ji yet.
A̱ba̱ptis ba shim nang A̱lyiat A̱gwaza ni̱nia yet cam ji sha̱i nwuak fwuo di̱ Yesu ma̱ng a̱mgba̱m nta̱m a̱nietkhwi ba nyia̱ a̱ni. Ladi A̱ba̱ptis wu nwuak a̱nietkhwi ba cet di̱ a̱mgba̱m nta̱m Ladi na. Kyang nang ba̱ shim a̱ni wa a̱na nyia̱. A̱ba̱ptis ba shim nkyang feang nia: ba̱ptisman ma̱ng ya nkyayak a̱di̱dam a̱khwu Yesu hu.