Grover Cleveland
| Grover Cleveland | |
|---|---|
 | |
| Maika-24 a Presidente iti Estados Unidos | |
| Nagakem Marso 4, 1893 – Marso 4, 1897 | |
| Bise Presidente | Adlai Stevenson I |
| Inunaan ni | Benjamin Harrison |
| Sinaruno ni | William McKinley |
| Maika-22 a Presidente iti Estados Unidos | |
| Nagakem Marso 4, 1885 – Marso 4, 1889 | |
| Bise Presidente | Thomas A. Hendricks |
| Inunaan ni | Chester A. Arthur |
| Sinaruno ni | Benjamin Harrison |
| Maika-28 a Gobernador ti New York | |
| Nagakem Enero 1, 1883 – Enero6, 1885 | |
| Teniente | David B. Hill |
| Inunaan ni | Alonzo B. Cornell |
| Sinaruno ni | David B. Hill |
| Maika-34 a Mayor ti Buffalo | |
| Nagakem Enero 2, 1882 – Nobiembre 20, 1882 | |
| Inunaan ni | Alexander Brush |
| Sinaruno ni | Marcus M. Drake |
| Dagiti bukod a salaysay | |
| Naiyanak | Stephen Grover Cleveland Marso 18, 1837 Caldwell, New Jersey, E.U. |
| Natay | Hunio 24, 1908 (tawen 71) Princeton, New Jersey, E.U. |
| Partido ti politika | Demokartiko |
| A(s)sawa | Frances Folsom |
| Annak | Ruth Esther Marion Richard Francis |
| Propesion | Abogado |
| Pirma |  |
Ni Stephen Grover Cleveland (Marso 18, 1837 – Hunio 24, 1908) ket isu idi ti Maika-22 ken maika-24 Presidente iti Estados Unidos. Ni Cleveland ket isu laeng ti presidente a nagserbi ti dua a saan a nagsaruno a termino (1885–1889 ken 1893–1897) ken isu ti agmaymaysa a namindua a naibilang ti panagibilang kadagiti presidente. Isu ti nangabak iti nadayeg a butos para iti presidente ti tallo a beses iti 1884, 1888, ken 1892—ken isu laeng ti Demokrata a nabutosan ti pannakapresidente iti panawen ti politiko a pannakaturay ti Republikano a nagpaut manipud idi 1861 aginggana idi 1913.
Ni Cleveland ket isu idi ti daulo ti nagay-ayat ti negosio a dagiti Bourbon a Demokrata a nagsuppiat kadagiti nagina a taripa, Nawaya a Pirak, panagpabussog, imperialismo ken naited a kuarta a tulong kadagiti negosio, dagiti agtaltalon wenno dagti beterano. Dagiti pannakigubatna para iti politiko a panagreporma ken piskal a konserbatismo ket nagaramid kaniana iti maysa nga ikono para kadagiti Amerikano a konserbatibo ti dayta a panawen.[1] Ni Cleveland ket nakagun-od kadagiti pammadayaw para iti pannakaregtana, pannakawayawaya, integridad, ken panangitalek kadagiti pamunganayan iti klasiko a liberalismo.[2] Ni Cleveland ket saan nabanbannog a nakilaban ti binalintungeg a politiko, pannakisuki, ken manangituray. Ti kinapudno, a kas maysa nga agrepreporma ti pannakaidaydayawna ket napigsa unay idi a ti reporma a payak ti Partido Republikano, a makunkuna a dagiti "Mugwump", ket kaaduan kadagitoy ti pimmanaw ti GOP nga etiketa ken napanda a nagsuporta kaniana idi 1884.[3]
Adda nakapunta a didigra ti pagilian idi isu ket nangrugi ti maidua a terminona idi ti Derraaw iti 1893 ket nakapataud ti nailian a panagsagsagaba a saan a naipasanud ni Cleveland. Daytoy ket nagdadael ti partidona Demokratiko, a daytoy ket naglukat ti dalan para iti maysa a Republikano aguedday idi 1894, ken para iti agrario ken naipirakan a panagagaw ti bikodna a partido Demokratiko idi 1896. Ti nagbanagan daytoy ket ti maysa a panagilinia manen ti politiko a naglippas ti Tallo a Partido a Sistema ken nangirugi ti Uppat a Partido a Sistema ken ti Narang-ay a Panawen.[4]
Ni Cleveland ket nangala kadagiti napigsa a puesto ken napigsa a nadildillaw idi. Ti panakibiangna iti Welga ti Pullman idi 1894 tapno agnanayon nga aggunay dagiti perrokarrilto ket nanggura dagiti nailian a kappon dagiti agob-obra ken nanggura ti partido idiay Illinois; ti panagsuportana iti balitok a pagalagadan ken ti panagsuppiatna ti Nawaya a Pirak ket nangisina kadagiti agrario a payak ti Partido Demokratiko.[5] Ti maysa pay, dagiti kritiko ket umas-asugda nga isu ket adda laeng ti bassit a kapanunotan ken kasla naturturan kadagiti ekonomiko a didigra ti pagilian a panagsagsagaba ken dagiti welga iti maikadua a terminona.[5] Nupay kasta, ti dayawna ti pannakaregta ken nasayaat a karakter ket nalaben kadagiti riribok iti maikadua a terminona. Ti biograpo a ni Allan Nevins ket sinuratna ti kastoy: "ti kalatakan ni Grover Cleveland ket naisanglad ti tipiko ngem saan a dagiti saan a kadaywan a kababalin. Isu ket awan kadagiti sagut nga awan kadagiti rinibo a tattao. Isu ket nagtagikua ti pannakaregta, kinatured, pannakatibker, pannakawayawaya, ken naisangsangayan a kapanunotan. Ngem isu ket nagtagikua kadagitoy ti grado nga awan kadagiti sinoman."[6]
Dagiti nagibasaran
Dagiti akinruar a silpo
| Sapasap | |
|---|---|
| Dagiti nailian a biblioteka | |
| Dagiti bibliograpiko a diksionario | |
| Dagiti sientipiko a database | |
| Dadduma | |
