Pous Eutichianus

Pous Eutichianus
Geboortenaam	Eutichianus
Pontifikaat begin	4 Januarie 275
Pontifikaat eindig	7 Desember 283
Voorganger	Felix I
Opvolger	Gajus
Gebore	220 Toskane, Italië
Sterf	7 Desember 283 Rome, Italië

Eutichianus was die 27ste pous van die Rooms-Katolieke Kerk.

Biografie

Pous Eutichianus is waarskynlik gebore in 220. Op 4 Januarie 275 volg hy Pous Felix I op en regeer tot sy dood op 7 Desember 283 volgens die Annuario Pontifico (2003). Hy word opgevolg deur Pous Gajus. Die naam ‘Eutichianus’ beteken ‘die gelukkiggemaakte’.

Pontifikaat

Daar is geen besonderhede bekend oor Eutichianus se pontifikaat nie. Sy pontifikaat het saamgeval met regering van die keisers Aurelius, Tacitus, Probus en Carus. Die Liber Pontificalis dui aan dat hy die ritus van die seëning van die oes (veral bome en vrugte) ingestel het, maar in werklikheid het dit eers by die konsilie van Orléans in 515 geskied. Die stelling dat hy die reëls vir die begrafnis van martelare opgestel het en eiehandig baie van hulle begrawe het, is ook verdag omdat na die dood van keiser Aurelius in 275 daar nie baie vervolgings was nie. Eutichianus was waarskynlik nie 'n martelaar nie. Die Roomse almanak uit die vierde eeu noem hom in die “Deposito Episcoporum” maar nie in die lys van martelare nie. Hy is begrawe in die Callixtus katakombe. 'n Fragment van sy grafskrif in Grieks “EUTYCHIANOS EPIS(KOPOS)” het bewaar gebly.

Verering

Sy feesdag is op 8 Desember in die Rooms-Katolieke Kerk.

Verwysings

• Davis, R. (2001) Book of the Pontiffs. (Engelse vertaling van die Liber Pontificalis) Liverpool University Press. ISBN 0-85323-545-7

Eksterne skakels

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• CE Inskrywing in die Catholic Encyclopedia (Engels)

Nota

Saamgestel uit die Nederlandse, Engelse, Duitse en Franse wiki’s.

Opvolging

Voorafgegaan deur Felix I

Biskop van Rome 275 – 283

Opgevolg deur Gajus